Song: Ulinzi Wako Usiku

Pikipiki hizo zimekabidhiwa na Mkurugenzi Mtendaji wa Halmashauri ya Wilaya ya Karatu, Ndg. Juma Hokororo, katika hafla iliyofanyika wilayani Karatu.

Akizungumza wakati wa makabidhiano hayo, Hokororo amelipongeza shirika hilo kwa hatua hiyo muhimu ya kuwekeza kwa vijana, akieleza kuwa uwezeshaji huo utasaidia kuongeza ajira na kipato kwa wanufaika pamoja na familia zao.

Amesema kuwa serikali itaendelea kushirikiana na mashirika yasiyo ya kiserikali katika kuwaletea wananchi maendeleo endelevu, hasa kwa makundi ya vijana ambao ni nguvu kazi ya taifa.

Aidha, amemshukuru Mhe. Dkt, Samia Suluhu Hassan, Rais wa Jamhuri ya Muungano wa Tanzania, kwa kuimarisha mazingira rafiki ya ushirikiano kati ya serikali na mashirika yasiyo ya kiserikali, ushirikiano huo umewezesha mashirika mengi kukua na kutoa mchango mkubwa katika kukuza uchumi wa taifa na wa mtu mmoja mmoja.

Kwa mujibu wa taarifa iliyotolewa, pikipiki hizo saba zimegharimu zaidi ya shilingi milioni 19, na zinatarajiwa kusaidia vijana hao katika shughuli za usafirishaji na biashara ndogo ndogo, hivyo kuongeza fursa za ajira na kipato katika jamii ya Karatu.